Ropirop En Mand Kadierekada Soumwahu En Suke Tohto

Sang ohl 84 oh lih 85 me pilipilidahr, meh 41 kedierekdahr me re uluhlahngehr soumwahu en suke. Keseun soumwahu en suke wiawi pwehn kadierada tohtohn me iangehr soumwahu en suke sang nan kousoan en Mand, pil koasoandi en doadoahk en ropirop me wiewiawi, "Documaentation of Traditional Food System of Pohnpei," pahn epwel kaweid en Island Food Community of Pohnpei (IFCP) oh pali en doadoahk tohto me alehdier utuht sang Mand oh pwihn en sawas sang liki me adaniki "Center for Indigenous People's Nutrition and Envoronment (CINE).

Kaweid en doadoahk pwehn ropada soumwahu en suke, iei sosohng en sukehn nan nta pohnangin 120mg/dl. Karos me kedierekda pohnangin 120mg/dl oh saikinte kedierekda mwowe, ale kaweid oh pekipek wiawihiongihr en doula pil ale ekei keseu.

Mehn sohng suke nan nta "Accu-check" me doadoahk nan ropirop wet oh sawasdahsangehr pali en Public Health en Imwen weni en Pohnpei. Mwohn keseu, kalelapak wiawihiong irail ma re sohte kang de nim mehkot mwurin kuloak 12:00 lukopen pwong mwohn rahn en keseuo. Irail kan me sohte kalehk pekipekda pwe ren ahpw pwuodo wia keseu mwuhr pwehki ahr uhdahn anahne kalehk mwohn keseun nta. Kaweid me pik soumwahu en suke oh sosohngpe due met; mwahu (<120mg/dl), pohn lain en soumwahu en suke (120 - 150 mg/dl) oh ahnekihier soumwahu en suke (>150mg/dl).

Wen suke nan nta kin lalaudla iangada sounpar. Karasepe, 94mg/dl ohng serepein pwulopwul sounpar 15-19, 105mg/dl ohng pwutak pwulopwul sounpar 15-19, oh laudla 172mg/dl ohng lih pohnangin sounpar 60, 191mg/dl ohng ohl pohnangin sounpar 60. Mie ehu kais me wen suke inenen laud mehlel pohnengin me mehn sosohngo kak sohngada (>500mg/dl).

Soumwahu en suke kahpwal laud nan Pohnpei oh met peian mwenge sued oh seu itar en mwekid en palinwar (exercise). Mie wekidekla laud sang doadoahngki uhdak en sakatail (wahnsapw oh wahnsehd) ohng mwenge me kohlongodo rasehng rais, soangen mwenge teikan me wiawihdahr, doaladahr oh audaudiki suke, soahl oh kirihs laud. Pil mie wekidekla laud en doadoahk en rahn karos me kak kamwakid palinwar. Rahn pwukat mehn Pohnpei sohte kalapw wia doadoahk me kin kamwakid palinwar pwehki wekideklahn mweikapw. Aramas solahr kalapw doadoahk nan sahpw akan duehlte mahs. Irail me mihmi nan keper en alehdi soumwahu en suke iei me pohnangin sounpar 45, toutoun palinwar siksang me konnehng oh me sohte itar mwekid (exercise).

Pwehn sewese pereh soumwahu en suke, sakatail en poahsoanikihda mwenge pahrek. Karasepe mwenge me kihiong palinwar angiangin (mahi, uht, kehp, sawa/mwahng, kehptuhke oh pedehde ape). Mwenge me kin perehsang palinwar soumwahu (wahntuhke, iasai oh tehntuhke ape). Mwenge me kin kairada palinwar (mwahmw de sali sang paliesed, malek, kutohr, beans oh peanuts ape). Ngoangki kamwakid palinwar (exercise) oh apwalih mwahu toutoun palinweremw pwe en dehr nohn siksang toutoumw me